ОХУ-ын Засгийн газраас илгээж буй тусламжийн цуваа Украины зүүн хязгаарын Донецк мужид хүрсэн тухай “Ройтерс” агентлаг мэдээллээ. Хүмүүнлэгийн бараа тээвэрлэсэн 24 ачааны машин өчигдөр 16.00 цагийн үед Донецкт хүрсэн гэж ОХУ-ын Онц байдлын яамны төлөөлөгч Олен Воронов хэлжээ.

1

Өнгөрсөн есдүгээр сараас ОХУ Украины Донецк болон Луганск мужид 55 машинаар 100 сая ам.долларын өртөг бүхий хүмүүнлэгийн тусламж илгээсэн байна. Харин Украины Засгийн газар болон Ерөнхийлөгч Петр Порошенко өнөөг хүртэл дээрх тусламжийн цувааны жинхэнэ эзэд мужийн иргэд бус салан тусгаарлагчид хэмээн хардсаар буй. Порошенко өмнө нь “Путин тусламж нэрийдлээр Украины салан тусгаарлагчдыг хангах зэвсгээ талхаар халхалж, эх оронд минь нэвтрүүллээ” гэсэн билээ.

Ерөнхийлөгч Путин өнгөрсөн амралтын өдөр Австралийн Брисбэн хотноо зохион байгууллагдсан “Их 20”-ийн уулзалтын үеэр Порошенкогийн мэдэгдлийн үгүйсгэж, “Орос салан тусгаарлагчдыг хэзээ ч зэвсгээр хангаж байгаагүй” гэдгээ мэдэгдсэн юм.

1

Б.Дэлгэрцэцэг