М.Энхболд: Чадалтай, боловсролтой хүн Засгийн газраа тэргүүлэх ёстой

х

УИХ дахь МАН-ын бүлэг сэтгүүлчдэд хэвлэлийн бага хурал хийлээ. Хэвлэлийн бага хуралд  УИХ-ын дэд дарга, МАН-ын дарга М.Энхболд, бүлгийн дарга С.Бямбацогт, Ерөнхий нарийн бичгийн дарга Ж.Мөнхбат нар оролцов. УИХ-ын дэд дарга, МАН-ын дарга М.Энхболд мэдээлэлдээ:

х

-АН-аас Монгол Улсын Ерөнхий сайдад нэр дэвшүүлж, Үндсэн хуульд заасны дагуу биднээс санал авахаар албан тоот бичиг ирүүлсэн. Энэ сарын 17,18-ны өдрүүдэд  манай намын Удирдах зөвлөл, бүлэг тус тусдаа хуралдсан. Өчигдөр орой Удирдах зөвлөлийн хуралдаанаар Ерөнхий сайдад нэр дэвшигчийн талаар ирүүлсэн саналыг хэлэлцлээ. Улс орны нийгэм, эдийн засгийг өнөөдрийн уналтын байдалд хүргэсэн, өрийн дарамтад оруулсан, Шинэчлэлийн гэх нэртэй огцорсон Засгийн газрын ХЭГ-ын даргаар ажиллаж байсан энэ хүнийг шинээр байгуулагдах Засгийн газрын  тэргүүнээр томилох саналыг зарчмын хувьд дэмжих боломжгүй юм. Шинээр байгуулагдах Засгийн газар бол Монгол орны эдийн засаг, нийгмийн амьдралд өнөөдөр тулгамдсан олон асуудлыг шуурхай түргэн шийдвэрлэх, шинэ шинэ арга барил, санаачлага гаргаж  ажиллаж  ёстой. Өмнөх Засгийн газрын алдаатай бодлогуудыг засч залруулж,  эдийн засгийн хүндрэлээс гарах ёстой. Тиймээс өмнөх Засгийн газарт ажиллаж байсан хүн энэ тавигдаж байгаа шаардлагыг хэрэгжүүлж ажиллаж чадахгүй гэж бид үзсэн. Бид улс орны өмнө тулгамдаж байгаа асуудлыг шийдвэрлэх мэдлэгтэй, туршлагатай, УИХ дахь бүлгийнхээ дэмжлэгийг авч чадахуйц, УИХ-д байгаа улс төрийн намуудтай ойлголцож ажиллаж чадах дараагийн хүнийг нэр дэвшүүлвэл бид зөвшилцөхөд бэлэн байна гэсэн шийдвэр гаргасан. МАН-ын Удирдах зөвлөлийн шийдвэрээ өнөөдөр УИХ-ын дарга, АН-ын дарга З.Энхболдод албан бичгээр гардуулж өгсөн гэлээ. Мэдээлэл хийснийхээ дараа тэд сэтгүүлчдийн сонирхсон асуултад хариулсан юм.

х

-МАН Ч.Сайханбилэгийг дэмжих эсэх дээр санал хуваагдсан гэсэн яриа байна. Үүнд тайлбар өгөхгүй юу? Шинэ Засгийн газарт орж ажиллах уу?

х

МАН-ын Ерөнхий нарийн бичгийн дарга Ж.Мөнхбат:

-Зарим сайтад энэ талаар мэдээлэгдсэн байсан. Энэ бол ташаа мэдээлэл гэдгийг албан ёсоор хэлье. Улс төрийн намуудтай зөвшилцөх санал бол хуулийн дагуу тухайн намын гүйцэтгэх  дээд байгууллага шийдвэр гаргадаг. Бид өчигдөр нэр дэвшигчийн байр суурийг сонссон. Түүний дараагаар бүлгийн гишүүдийн саналыг сонссон. Ингээд дийлэнх олонхийн саналаар Ч.Сайханбилэгийг дэмжих боломжгүй гэсэн.  Бид зөвхөн Ерөнхий сайдад нэр дэвшигчийг дэмжих эсэх асуудлаар зөвшилцөл хийж байгаа. Засгийн газарт хамтрах асуудлаар МАН-ын намд санал ирээгүй.

х

УИХ-ын дэд дарга, МАН-ын дарга М.Энхболд:

р

МАН-ын Удирдах зөвлөл хэдэн гишүүнтэй вэ?

-МАН-ын Удирдах зөвлөл 21 гишүүнтэй. Нийт гишүүдийн 63 хувийн саналаар Ч.Сайханбилэгийг зөвшилцөх боломжгүй гэдэг шийдвэр гаргасан. Бид 2012 оноос хойш Засгийн газарт орсонгүй гэж өсөрхөж огцруулах асуудлыг тавиагүй.  Улс орны эдийн засгийн байдалд тулгамдаад байгаа асуудлыг Засгийн газар шийдвэрлэж чадахгүй  байгаа нь олон зүйл дээр харагдсан. Тиймээс Шинэчлэлийн Засгийн газарт хариуцлага тооцох асуудлыг сүүлийн хоёр жилийн хугацаанд олон удаа тавьсан. Улс орны эдийн засгийг  дэвжүүлэн авч явах чадалтай, боловсролтой хүн Засгийн газраа бүрдүүлэх ёстой.

а

-Р.Амаржаргал гишүүний нэрийг дэвшүүлсэн бол та  бүхэн дэмжих байсан уу?

-Тэр энийг оруулж ирсэн бол дэмжих байсан гэж хэлэх боломжгүй. Харин дараа дараагийн хүнийг оруулж ирэхдээ бидний тавьж байгаа шаардлагыг харгалзан үзвэл зөвшилцөхөд бэлэн байгаа.

х

УИХ дахь МАН-ын бүлгийн дарга С.Бямбацогт:

-Асуудал үүсээгүй байхад нь хэн нэгнийг  оруулж ирвэл гэж хэлэх боломжгүй. Үүнийг УИХ дахь АН бусад намуудтайгаа зөвшилцөнө.

х

-Байнгын хороогоор нэр дэвшигчийн асуудлыг хэлэлцэхэд бүлгийн гишүүд хувийн байр сууринаас хандах болов уу, Удирдах зөвлөлийн шийдвэрийг дагах уу?

-МАН нэгдсэн байр суурьтай байж ирсэн. Цаашдаа ч нэгдсэн байр суурьтай байна. Бүлэг Удирдах зөвлөлийн шийдвэрийн дагуу хандана.

х

Н.Энх