Төрийн байгуулалтын байнгын хорооны хуралдаан өнөөдөр 14.30 цагт товлогдсон. Гэвч АН-ын бүлгийн хурал дууссаны дараагаар байнгын хорооны хуралдааныг үргэлжлүүлэхээр болов. АН-ын бүлгийн хуралдаан 15.50 цагт дууссан. Харамсалтай нь  гишүүдийн ирц бүрдэхгүй байснаас Төрийн байгуулалтын байнгын хорооны хуралдаан хоёр цаг гаруй хүлээгдэв.

df

Тус байнгын хороо нийт 19 гишүүний бүрэлдэхүүнтэй. Үүнээс  АН-аас Н.Алтанхуяг, А.Бакей, Д.Эрдэнэбат, Ч.Сайханбилэг, М.Батчимэг, Д.Баярцогт, Р.Гончигдорж  нарын гишүүн, ИЗНН-аас С.Дэмбэрэл,  “Шударга ёс” эвслийн бүлгийн Н.Батцэрэг  нарын  байнгын хорооны 9 гишүүн хүрэлцэн ирсэн байлаа. Харин  тус байнгын хорооны УИХ дахь МАН-ын бүлгийн 7, мөн “Шударга ёс” эвслийн бүлгийн Л.Цог, Г.Уянга  болон Р.Бурмаа  нарын гишүүн хуралдаанд ирээгүй юм. Тиймээс байнгын хорооны ирц бүрдэхэд нэг гишүүн дутуу байлаа.

df

Харин УИХ-ын гишүүн Р.Бурмаа 18.00 цагт ирснээр байнгын хорооны ирц бүрдэж, хуралдаан эхлэв.

Н.Энх

Гэрэл зургийг П.Наран