УИХ дахь АН-ын бүлэг өнөөдрийн хуралдаанаар хэлэлцсэн асуудлын талаар тус бүлгийн дарга Д.Эрдэнэбат, С.Одонтуяа нар мэдээлэл хийлээ. Тус бүлгийн өнөөдрийн хуралдаанаар Ерөнхий сайд шинээр томилогдсонтой холбогдуулж Засгийн газрын бодлого, чиглэл цаашид юунд анхаарал хандуулан ажиллах вэ  гэдэг дээр гишүүд харилцан санал солилцжээ. Үүний дараагаар Ерөнхий сайдаас УИХ-д суудалтай намуудад хүргүүлсэн Засгийн газарт хамтарч ажиллах саналын талаар ярилцсан байна. Улс төрийн нам, эвслийн бүлгүүдтэй зөвшилцөх ажил өнөөдрөөс эхэлж байна. Намын эрх ашгийг хойноо гаргаад улс орны эрх ашгийг бодож ийм шийдэлд хүрсэн.

s

Хуримтлагдсан олон асуудлыг шийдвэрлэх шаардлага, засаглалыг бэхжүүлэх, улс орны хэмжээний томоохон төслүүдийг амжилттай хэрэгжүүлэх, гацаанаас гаргахын тулд улс төрийн ойлголцол, тогтвортой байдал хэрэгтэй. Иймдээ ч эдгээр асуудлыг амжилттай шийдвэрлэх хамгийн чухал угтвар нөхцлийг улс төрийн тогтвортой байдал, УИХ-ын дийлэнх олонхийн дэмжлэг хэмээн албан бичигт дурдсан. Намууд энэ долоо хоногт багтаж хариугаа өгөх байх. Намуудад хүргүүлсэн албан бичгийн гол агуулга нь улс орон, нийгэм, эдийн засгийн хүрээнд хуримтлагдаад байгаа  асуудал дээр хамтарч ажиллахад чиглэгдсэн байгаа” хэмээн бүлгийн дарга Д.Эрдэнэбат онцолсон.

ds

Хэвлэлийнхнээс МАН засагт хамтран ажиллахгүй бол хэрхэх тухай тодруулахад “МАН нь засагт орохгүй гэх албан ёсны байр суурь одоогоор илэрхийлээгүй. Би сонсоогүй. Өнгөрсөн долоо хоногт МАн-ын бүлгийн дарга Бямбацогт АН ачаагаа өөрөө үүр гэж хэлсэн байна лээ. Гэхдээ энэ нь засагт орохгүй гэсэн байр сууринаас зарчмын ялгаатай зүйл юм. Ямартай ч улс орны эрх ашгийг нам хүчний эрх ашгийн эхэнд тавьсан энэ саналыг эрүүлээр авч үзнэ байх” гэлээ.

as

Дараа нь бүлгийн дарга Д.Эрдэнэбат сэтгүүлчдийн асуултад хариулт өглөө.

a

-МАН-ын бүлэг Ерөнхий сайдыг дэмжихгүй, Засгийн газарт хамтрахгүй гэдгээ мэдэгдэж байсан?

-Бид хамтарч ажиллая гээд байгаа шийдэл нь намын явцуу эрх ашгийг хойшоо тавъя. Монголчуудын эрх ашгийг нэн тэргүүнд тавих үүднээс энэ саналыг хүргүүлсэн. Бид одооны зарчмаар олонхоо бүрдүүлээд Засгийн газраа байгуулаад явж болно. Гэхдээ МАН энэхүү саналыг эрүүлээр хүлээн аваад хамтраад ажиллах боломжтой.

sa

-Засгийн газрын бүтэц дахин өөрчлөгдөх үү?

-Хэдэн яам, ямар бүтэцтэй байх вэ гэдэг талаар одоо ярихад эрт байна. Бүлэг дээр ч энэ асуудлыг яриагүй. Гэхдээ ямар бүтэцтэй яаж, ажиллах нь Ерөнхий сайдын шийдэх асуудал.

-Хэрвээ МАН Засагт орохгүй гэвэл бол яах вэ?

-Улс орны нийгэм эдийн засгийн нөхцөл байдалтай холбоотой асуудлыг шийдэхэд дахиад л хүндрэл үүснэ. Ийм учраас олонх, цөөнх гэсэн асуудлаа хойш тавих хэрэгтэй. Хамгийн гол энэ бүх гацаа хүлээлт дунд ард иргэдийн амьдрал, эдийн засаг туйлдаад байна. Тэрнээс бид цааш явж чадахгүй, хийж чадахгүй болчихсондоо хамтарч ажиллая гээд байгаа юм биш.

s

Бүлгийн дэд дарга С.Одонтуяа энэ үеэр тус бүлгийн хуралдаанаар Төрөөс баримтлах бодлого, Нийгмийн даатгалын багц хуулийн нэмэлт өөрчлөлтийг авч хэлэлцсэн талаар мэдээлсэн юм.

a

П.Наран