Иргэний нисэхийн ерөнхий газар Олон улсын иргэний нисэхийн байгууллага болох ИКАО-тай Монгол Улсын агаарын навигацийн үйлчилгээнд Гүйцэтгэлд тулгуурласан навигаци/PBN/-ийн үйлчилгээг нэвтрүүлэх, агаарын хөдөлгөөний урсгал зохицуулалтын чиглэлээр хамтран ажиллахаар боллоо.

a

Олон улсын иргэний нисэхийн байгууллагын Ази номхон далайн Бүсийн гишүүн улс орнуудын Иргэний нисэхийн ерөнхий газруудын дарга нарын 51 дэх удаагийн хуралд оролцож буй ИНЕГ-ын даргын үүргийг түр орлон гүйцэтгэгч Т.Лхагвасүрэн ИКАО-гийн удирдлагатай техникийн туслалцааны хамтын ажиллагааны санамж бичигт гарын үсэг зурсан байна.

s

Хамтын ажилллагааны хүрээнд мэргэжлийн зөвлөх үйлчилгээ авах, агаарын зайн зохион байгуулалт хариуцсан мэргэжилтнүүдийг дадлагажуулах, нислэгийн удирдагчид, нислэгийн журам зохиогч болон агаарын навигацийн үйлчилгээний бусад мэргэжлийн чиглэлээр сургалт зохион байгуулах, PBN-ний нислэгийн журмуудыг баталгаажуулах чиглэлээр хамтарч ажиллахаар болжээ.

s

П.Наран