МАН-ын хэвлэл мэдээлэл, олон нийттэй харилцах асуудал хариуцсан нарийн бичгийн дарга Т.Гантулга дөнгөж сая мэдээлэл хийлээ. Тэрбээр хэлэхдээ, "МАН-ын II дугаар Бага хуралүргэлжилж байна. Дөнгөж сая, Монгол Улсын Ерөнхий сайд Ч.Сайханбилэг МАН-д ирүүлсэн хамтран засгийн газар байгуулах тухай саналыг нилээн удаан хэлэлцлээ. 30 гаруй хүн үг хэллээ. Мөн Монгол Улсын Ерөнхий сайд бидэнд илгээлт ирүүллээ. Ажил олгогч эздийн нэгдсэн холбооноос албан тоот ирлээ. Монголын үйлдвэрчний холбоо, Тариалан эрхлэгчдийн холбоо, Ажил олгогч эздийн нэгдсэн холбоо, Монголын уул уурхайн ассиоцаци зэрэг олон байгууллагаас бидэнд илгээлт, албан бичиг ирлээ. Энэ бүхнийг харж үзлээ. Дээр нь судалгааны дүн, зөвшилцлийн ажлын хэсгийн дүнг үндэслэн дөнгөж сая санал хураалт явагдлаа. Санал хураалтын дүнд Бага хуралд оруулсан намын удирдах зөвлөлийн Монгол Улсын Засгийн газарт хамтран ажиллах зүйтэй, дэмжих нь зөв гэсэн томъёоллоор санал хурааж, нийт гишүүдийн олонхиор энэ санал дэмжигдлээ. ” гэв.

ө

Энэхүү мэдээллийн дараа тэрбээр сэтгүүлчдийн асуултад хариуллаа.

a

-Хэдэн хувийн саналаар дэмжсэн юм. Хурлын ирц хэр байна вэ?

-75 хувийн ирцтэй байна. Бага хурлын нийт оронлцсон гишүүдийн дийлэнх олонх буюу яг тоо гаргах шаардлагагүй гэдэг үүднээс хувь гаргаагүй.

a

-Оюутолгой, Тавантолгой гээд шийдлээ олоогүй олон асуудал байгаа. МАН Засагт хамтрахдаа бидний саналыг хүлээж авахгүй бол Засгаас гарна гэсэн мэдээлэл гараад байна. Энэ тал дээр тайлбар өгөөч?

-Ерөнхийдөө Зөвшилцлийн ажлын хэсэг маань олон удаагийн уулзалтаар санамж бичигт гарын үсэг зурсан Санамж бичигт МАН-аас тавьсан саналууд үндсэндээ 100 хувь туссан гэж болно. Харин Оюутолгой, Тавантолгой  зэрэг томоохон төслүүд цаашаа дэмжигдэнэ. Гишүүдийн ярьж байгаагаар улс төрийн намын эрх ашгийг хоёрт тавьсан, улс орны эрх ашгийг нэгд тавьсан чухал шийдвэр гэж байна. Тиймээс аль нэг нам нь бие биенээ хуурах, залуучуудын хэлдэгээр хулхидах асуудал байхгүй гэж үзэж байгаа. Гэхдээ болгоомжлол байна. Үг хэлсэн хүмүүсийн олонхи нь намын Бага хурлын үеэр хязгаарлагдмал эрх өгөх нь зүйтэй гэдэг юм ярьсан нь хэвлэлээр гарсан юм шиг байна. Энэ нь юу гэсэн үг вэ гэхээр нэгэнт харилцан тохирсон санамж бичиг дээр суурилж, хоёр намын хооронд хамтын ажиллагааны гэрээ байгуулагдана. Энэ гэрээнд санамж бичигт тусгагдсан гол асуудлуудаас аль нэг тал нь ухрах тохиолдолд  Бага хурал бүрэн эрхээ Удирдах Зөвлөл шилжүүлэх байдлаар энэ асуудлыг нээлттэй орхиж байгаа.

a

-Бага хурлын гишүүдийн саналаар Засагт хамтарч байгаа тохиолдолд бусад ИЗНН, Шудрага ёс эвсэлтэй хамтран  ажиллах уу?

-Энэ бол Улс төрийн намуудын тухай хуульд заасан бусад намын хэрэгт оролцохгүй гэдэг зарчмын үүднээс намын Бага хурлын гишүүд ИЗНН болон Шударга ёс эвслийн талаар асуудал хөндөөгүй.

s

МАН-ын Бага хурал үргэлжилж байна.

a

П.Наран