УИХ-ын гишүүн Н.Номтойбаяр дөнгөж сая тус намаас жил бүр зохион байгуулдаг “Алтан Сарнай” наадмын талаар мэдээлэл хийлээ. Энэ үеэр  түүнээс Засгийн газрыг хамтран байгуулах тухай асуудлаар сэтгүүлчид тодруулга авсан юм.

a

Тэрбээр хэлэхдээ, Хамтарсан Засгийн газар байгуулах асуудлаар зөвшилцөж буй ажлын хэсгийнхэн гацаанд орсон байгаа. Учир нь АН 19 сайд, 16 яамтай байх санал оруулсныг МАН-ынхан эсэргүүцэж хурал хаяж гарсан.  МАН-ын  хувьд яам, сайдын тоог нэмбэл төсвийн зардал нэмэгдэнэ. Тиймээс МАН-ынхан 13 яам, 16 сайдтай байх өмнө нь батлагдсан бүтцийг дэмжиж байгаа. Гэхдээ 13 яамыг дотор нь өөрчлөл оруулж, ССАЖЯ татан буулгаж, чиг үүргийн яамдад хуваах, Хөдөлмөрийн яамыг татан буулгаж Хүн амын хөгжил, нийгмийн хамааллын яамтай нэгтгэх санал гаргасан” гэлээ.

a

Харин яамдын тоог УИХ-д суудалтай гишүүдийн тоонд харьцуулан хуваах нь зүйтэй гэж үзсэн  гэх мэдээлэл байна энэ талаар тодруулаач гэсэн сэтгүүлчийн асуултад “УИХ дахь суудлаараа гэж тооцвол АН 7.6, МАН 5.7, Шударга ёс эвсэл 2.4 хувийг эзэлж байна. Тэгэхээр АН-д найм, МАН-д зургаа, Эвсэлд хоёр сайдын суудал ногдож байгаа. Зөвшилцөх уулзалтын үеэр яамдын тоог нам, эвсэлд хэрхэн хуваарилах талаар яригдаагүй. ИЗНН УИХ-д хоёр суудалтай.  Хувиар тооцвол 0.47 хувьтай байгаа, бүлэг ч үгүй нам шүү дээ. Нэг тал сайдын ч тоонд хүрэхгүй. Тэгэхээр тэдэнд саймшрах хэрэг байхгүй. Гэхдээ энэ бол АН-ын шийдэх асуудал” гэв.

s

Мэдээллийн дэлгэрэнгүйг эргэн хүргэх болно.

a

П.Наран