УИХ-ын Нийгмийн бодлого, боловсрол, соёл, шинжлэх ухааны байнгын хорооны гишүүд өчигдөр Зам тээврийн яам байрлаж буй Засгийн газрын XIII байрны барилга болон Төрийн тусгай албан хаагчдын нэгдсэн эмнэлгийн барилгын ажлын явцтай танилцсан юм. Ажлын хэсгийнхэн эхлээд Төрийн тусгай албан хаагчдын нэгдсэн эмнэлгийн барилгыг оффисын зориулалтаар хэрхэн өөрчилсөн гүйцэтгэгч компанийн танилцуулгыг эхлээд сонирхсон.

ы

Тэдний хэлж буйгаар анх эмнэлгийн зориулалтаар баригдахдаа орчин үеийн стандартаар буюйу агааржуулалтын системыг маш сайн шийдвэрлэсэн байсан. Гэтэл оффиссын зориулалтаар өөрчлөгдөхөд энэ нь ашиглагдахгүй болсон байна. Эмнэлгийн зориулалттай байхад өрөө бүрт угаалтуур байрлуулна гээд сантехникийн асуудлаа шийдвэрлэсэн байсан ч оффис болгоно гээд тэр бүгдийг нь буцаагаад авсан. Эмнэлэг барьж байхад өрөөнүүд нь олон байсан бол оффис болсоноор өрөөний тоо цөөрч том болгосон. Бид анх эмнэлгийн барилга барьж эхлээд товлосон цаг хугацаандаа хүлээлгэж өгөхөөр үндсэн бүх ажлуудаа хийчихсэн байхад Засгийн газар солигдож, оффис болгох шийдвэр гарсан. Тэгээд гаргаж өгсөн зургийн дагуу өрөө хоорондын ханыг нурааж, өөрчилсөн. Одоо эргээд эмнэлэг болгоход сүүлд хийсэн ханануудаа нурааж, эхний байдлаар нь дахин хана өрж, агааржуулалтыг дахин оруулна. Эмнэлгийн ном журмаар баригдаж байсан барилгыг оффис болгоод эхний блокоо бэлэн болгочихлоо гээд улсын комисст өгчихсөн байсан” гэж байв.

ый

Энэ үеэр “Пролианс” компанийн 2012 онд тус барилгад анх байршуулсан 3.2 тэрбум төгрөгийн өртөг бүхий хавдар, мэдрэл, зөөлөн эдийн гэмтлийг маш сайн оношилдог MRI аппаратны асуудлыг ажлын хэсгийнхэн сонирхсон. Тус аппаратыг одоошоор хадгалалтын горимд шилжүүлэн тог цахилгааныг нь салгасан байсан ба шингэн гелиг нэмж хийхэд 300 сая төгрөг шаардлагатай. Үүн дээр хөргөлтийн системийг засварлах зэрэг зардал гарах ажээ.

й

Эрүүл мэнд, спортын сайд Г.Шийлэгдамба хэлэхдээ “Манай яамны мэргэжилтнүүдийн өгсөн мэдээллээр энэ аппаратыг шууд ашиглах боломжгүй гадны биетийн нөлөөллөөр тодорхой хэмжээний эвдрэл гарсан. Засаж янзлан хэвийн хэмжээнд оруулахад тодорхой хэмжээний хөрөнгө зарлагдана. Цоо шинэ аппаратыг хүн ардынхаа эрүүл мэндэд зориулах боломжгүй болгосны хариуцлагыг хэн хүлээх вэ гэдэг асуудлыг Засгийн газар дээр ярина” гэсэн юм.

ый

Ажлын хэсгийн ахлагч Г.Баярсайхан гишүүн хэлэхдээ “Би Чингэлтэй дүүргээс сонгогдсон гишүүн. Манай дүүргийн эмнэлэг актлагдсан барилгад үйл ажиллагаагаа явуулдаг. Хананы тоосгон өрөлт нь чийгэнд идэгдээд эхнээсээ үйрч өмхрөөд байгаа. Ямар байсан Төрийн тусгай албан хаагчдын энэ эмнэлгийг  зориулалтаар ашигладаг болтол нь анхаарч ажиллана. Чингэлтэй дүүргийн эмнэлэг болгох уу, хүүхдийн эмнэлэг болгох уу, аль эсвэд  IV дүгээр нэгдсэн эмнэлэг болгох уу хамаагүй.  Аль ч чиглэлээр ашигласан Чингэлтэй дүүргийнхээ иргэдийг ямар ч байсан хамрагдах боломжийг бөүрдүүлэхэд анхаарна” гэж байв.

й

УИХ-ын гишүүн Ё.Отгонбаяр энэхүү барилгатай танилцах явцдаа энэ барилгын жишээн дээрээс харахад манай төрийн бодлого алдаатай байгаагийн шинж. Энэ барилгыг ингэж өөрчилсөн түрүүчийн Засгийн газрыг огцруулаад хариуцлага тооцчихсон гэдгээ хэлж байсан юм.

й

Энэ барилгыг анх эмнэлгийн зориулалтаар барьж байхад БНСУ-ын талаас долдугаар давхарт нь иж бүрэн мэс заслын 6-7 өрөө тохижуулж, шаардлагатай техникээр тоноглож өгье гэсэн санал тавьж байжээ. Гэхдээ манай талаас мэс заслын өрөөнүүдийн таазыг жаахан өндөр хийхийг л хүссэн байна. Ийнхүү хоёр тал тохиролцоод байтал Хууль зүйн сайд асан Х.Тэмүүжин оффис болгоно гэж зүтгэснээр эмнэлэг ч үгүй, мэс заслын өрөө ч үгүй болгоод байгаа юм. Монголд байхгүй орчин үеийн шийдэлтэй, тохилог сайхан эмнэлэгтэй болох нь гэсэн хүлээлт иргэдэд байсан. Гэвч эмнэлгийг оффис болгон ашиглах Хууль зүйн сайд асны тушаалаар 10.2 тэрбум төгрөгөөс барьсан барилгыг өөрчлөн дахин дөрвөн тэрбумын хөрөнгөөр зассан аж. Тэгвэл одоо буцаагаад эмнэлэг болгон өөрчлөхөд урьдчилсан байдлаар дөрвөн тэрбум гаруй төгрөг хэрэгтэй гэсэн тойм судалгааг Эрүүл мэндийн яамнаас гаргасан байна.

й

Айлын эрх хүүхэд тоглоомоо өрж байгаад дургүй нь хүрэхээр буцаагаад буулгачихдаг эвлүүлдэг тоглоом шиг болсон Төрийн тусгай албан хаагчдын эмнэлгийн барилгыг цаашид ахин дахин өрж буулгалгүй энэ удаад зориулалтынх нь дагуу үлдээнэ гэдэгт итгэж байна. Эс тэгвээс эрх мэдэлтэн албан тушаалтнуудын хүслээр гаднах дүр нь хэвээр ч доторх зорийлалтыг нь өөрчлөн өрж буулган зугаацдаг тоглоом болох нь. Тэр хэрээр татвар төлөгчдийн мөнгө тэрбум тэрбумаар үрэгдэж, барилгын гүйцэтгэгч компанийнхан ч тэр дуусдаггүй барилгад насыг барах вий.

йы

й

П.Нарандэлгэр