Манай улс өнгөрсөн оноос 19.6 хувиар илүү тонн нефть импортолжээ. Гэхдээ  үнийн өсөлтөөс шалтгаалан ам.доллараар илэрхийлэгдэх нефтийн импорт 1005.8 сая ам.доллар буюу өнгөрсөн оны мөн үеэс 64.7 хувиар илүү байгаа нь нефтийн импортын хилийн дундаж үнэ  оны 11 дүгээр сарын байдлаар тонн тутамд 1237.4 ам.долларт хүрч  2008 оноос хойшхи дээд түвшинд хүрснээс шалтгаалжээ. Нефтийн хилийн дундаж үнэ нь оны эхнээс 33.7 хувиар, өмнөх сараас 3.2 хувиар тус тус өсөөд байна. Түүнчлэн, 11 дүгээр сарын 30-ны өдрийн байдлаар дэлхийн зах зээл дээрх Брент маркийн газрын тосны үнэ баррель тутамд 112.5 ам.долларт хүрч өмнөх сараас 2.3 хувиар, WTI газрын тосны үнэ баррель тутамд 100.4 ам.долларт хүрч өмнөх сараас 7.7 хувиар  тус тус өссөн. Харин өнөөдөр Нью-Йоркийн бирж дээр 98.77 - 99.86 ам.долларын хооронд хэлбэлзэж байна.