УИХ дахь Өргөдлийн байнгын хорооны шинэхэн дарга О.Баасанхүү өчигдөр анхны хуралдаанаа даргалсан билээ. Тэрбээр байнгын хороо шинэ даргатай болсон учраас дүрмээ ч шинэчлэх ёстой хэмээн үзжээ. Тиймээс хуралдааныхаа эхэнд шинэ нөхцөл байдал, шаардлагад нийцүүлэн шинэчилсэн дүрмээ танилцуулж, батлуулсан байна. Мөн байнгын хорооныхоо 2015 оны үйл ажиллагааны төлөвлөгөөг хэлэлцүүлэн, баталжээ. Уг төлөвлөгөөнд 21 аймаг, нийслэлийн есөн дүүргийн иргэний танхимд иргэдийн өргөдөл хүлээн авах хайрцаг байрлуулахаар тусгажээ. Тэгэхээр тун удахгүй Өргөдлийн байнгын хорооны дарга О.Баасанхүүгийн зурагтай хайрцаг Монгол орны өнцөг булан бүрт байрлах нь ээ.

б

В.Бат