Билгийн тооллын XVII жарны Модон хонь жилийн сар шинийн баярт зориулсан улс, аймгийн алдар цолтой хүчит 256 бөхийн барилдаан өндөрлөлөө. Айлчлан ирж буй шинэ он тооллын өнгийг билэгдсэн хүчит бөхийн барилдаанд Дархан аварга Г.Өсөхбаяр, улсын аварга С.Мөнхбат, улсын аварга Г.Эрхэмбаяр, улсын арслан Д.Ганхуяг, П.Бүрэнтөгс, Н.Батсуурь, улсын гарьд Д.Рагчаа, Б.Гончигдамба, Ш.Жаргалсайхан, улсын заан Ч.Санжаадамба, М.Өсөхбаяр, улсын харцага Д.Содномдорж, улсын начин Д.Пүрэвдагва тэргүүтэй бөхчүүд оролцон түмэн олныхоо мэлмийг баясгав.

a

256 бөх уран мэхийг уралдуулан барилдсаар үзүүр түрүүнд улсын заан Ч.Санжаадамба, улсын заан М.Өсөхбаяр нар тунан үлдсэн юм. Сар шинийн барилдаанд Архангай аймгийн Хашаат сумын харьяат, "Бөхбилэгт" дэвжээний бөх, улсын заан Ч.Санжаадамба түрүүлж, Булган аймгийн Бүрэгхангай сумын харьяат, "Булган хангайн хүчтэн" дэвжээний бөх, улсын заан М.Өсөхбаяр үзүүрлэлээ. Ч.Санжаадамба зааны хувьд хоёр дахь удаагаа сар шинийн барилдаанд түрүү бөхөөр тодорч байгаа нь энэ юм.

a

П.Наран