Авто замын газар салбартаа 2011 онд үндсэн болон түр ажлын байр 3000 гаруйг бий болгож, ажилгүй иргэдийг мэргэжлийн сургалтад хамруулан мэргэжил олгож зам барилгын болон засвар арчлалтын ажилд ажиллуулжээ. Тиймээс Монгол Улсын Засгийн газраас зарласан “Хөдөлмөр эрхлэлтийг дэмжих жил”-ийн ажлын хүрээнд хөдөлмөрийн зах зээлийн зохицуулалт, хууль эрх зүй, санхүү, хөрөнгө оруулалт, менежментийн бодлогыг оновчтой болгох, үндэсний болон орон нутгийн түвшинд шинэ ажлын байрыг нэмэгдүүлэх чиглэлээр идэвхи, санаачлага, үр бүтээлтэй ажилласан амжилтыг үнэлж “Өргөмжлөл”, мөнгөн шагналаар шагнажээ.