Хуучин орон сууцны үнэ буурчээ
Үл хөдлөх хөрөнгийн “Тэнхлэг зууч” компанийн хараат бусаар хийсэн өнгөрсөн сарын “Орон сууцны үнийн индекс”-ийн (ОСҮИ) судалгааг Монголбанкны захиалгаар хийжээ.
Тус судалгаагаар ОСҮИ дөрөвдүгээр сард 16.5 хувьтай гарсан байна. Энэ нь өмнөх сараас -0.7 хувь буурсан үзүүлэлт юм. Харин оны эхэн үетэй харьцуулахад -2.0 хувь, өнгөрсөн оны мөн үетэй буюу 12 сарын өмнөхтэй харьцуулахад -6.9 хувиар буурчээ.
Шинэ орон сууцны үнийн индекс 27.2 хувьтай гарчээ. Энэ нь өмнөх сараас 0.9 хувиар өссөн үзүүлэлт юм. Харин оны эхэн үеэс 0.3 хувиар, өнгөрсөн оны мөн үетэй харьцуулбал 1.2 хувиар өссөн байна.
Хуучин орон сууцны үнийн индекс суурь үеэс 10.7 хувьтай гарчээ. Энэ нь өмнөх сараас -1.9 хувиар, оны эхэн үеэс -4.7, өнгөрсөн оны мөн үеэс -11.6 хувиар буурсан үзүүлэлт юм.
|
Нэгдсэн |
Шинэ о/с |
Хуучин о/с |
|
|
Индексийн өөрчлөлт /суурь үе 2013.01-с/ |
16.5% |
27.2% |
10.7% |
|
Өмнөх сартай харьцуулахад |
-0.7% |
0.9% |
-1.9 % |
|
Оны эхэнтэй харьцуулахад |
-2.0% |
0.3% |
-4.7% |
|
Өмнөх оны мөн үетэй харьцуулахад |
-6.9% |
1.2% |
-11.6% |
ОСҮИ-ийг Хедоник регрессийн аргаар тооцоолж буй бөгөөд энэхүү тооцоололд тухайн сард Улаанбаатар хотод борлуулагдахаар зах зээлд нийлүүлэгдсэн шинэ, хуучин 4414 орон сууцны мэдээллийг хамруулсан байна.
Н.Энх
СЭТГЭГДЭЛ БИЧИХ