Оюуны спортод Монголын нэр хүндийг олон жил өргөж яваа шатрын Их мастер Б.Мөнгөнтуул хэдхэн хоногийн өмнө амаржиж, охинтой болжээ.

Тэрбээр 2000 онд анх Монголын шигшээ багт багтан, Дэлхийн шатрын олимпиадын 2-р ширээнд тоглож, 14 өргөөс 9 оноо авсан. Уг олимпиадад хожим дэлхийн аварга болсон ОХУ-ын шатарчин Александра Костенюкийг хожиж байв.

ФИДЕ-гийн "Олон улсын эмэгтэй их мастер" цолыг 2003 онд Монгол улсаас анхлан хүртсэн юм. Харин өнгөрөгч онд Монгол Улсын Гавьяат тамирчин цолоор оюуны тулаан дахь хөдөлмөрөө үнэлүүлсэн билээ.

Б.Дэжид