Манай урд хөрш Хятадад хамгийн алдартай сагсан бөмбөгчдийн тоонд зүй ёсоор Трэйси Макрэйди ордог. Хятадуудын бахархал болсон Яао Миньтэй Хьюстон Рокетс багт хамтдаа зүтгэж байсан Т-Мак 16 улиралд NBA-д тоглосынхоо дараа Хятдан лигт нэг улирлыг өнгөрүүлсэн билээ.

Чиндао Дабл Стар Ийглс багт 2012-13 оны улирал 29 тоглолтонд оролцохдоо 25 оноо 7.2 самбар 5.1 дамжуулалтыг Т-Мак дунджилсан байна. Хэдийгээр ганцхан улирал тоглосон боловч Т-Макийн дугаарыг мөнхжүүлж, хүндэтгэл үзүүлэхээр Хятадын баг шийджээ.

Хьюстон Рокетс, Орландо Мэжик, Торонто Рэпторс багуудын хэн нь Т-Макийн дугаарыг мөнхжүүлэхийг мэдэхгүй. Гэхдээ тэднээс Хятадын баг урьтаж чадлаа. Т-Макт хүндэтгэл үзүүлж байгаа нэг хэлбэр боловч нөгөө талаар Трэйси Макрэйди Чиндао багт тоглож байсныг сануулах том сурталчилгаа гэдэг нь ойлгомжтой.

эх сурвалж: