2015 оны жүдо бөхийн насанд хүрэгчдийн ДАШТ-ий эрэгтэйчүүдийн -73кг-ийн жингийн барилдаанууд явагдаж байна. Тус жинд гавьяат тамирчин С.Ням-Очир, ОУХМ Г.Одбаяр нар барилдана.

Дөнгөж сая Г.Одбаяр ялалтаа авлаа. Тэрбээр  хоёрдугаар тойрогт ОХУ-ын жүдоч Муса Могушковтой барилдсан юм. Хоёр жүдоч энэ тэнцүү барилдаж байсан ч Муса Могушков дүрмэнд хориотой үйлдэл хийж хасагдлаа. Ингэснээр Г.Одбаяр ялалт авч, III тойрог буюу шигшээ наймд шалгарахын төлөөх барилдаанд Бельгийн Сами Чоуситэй хүч үзэхээр болов.