Чечень улсын 100 гаруй иргэн Ойрхи Дорнодод хяналтаа тогтоохыг санаархаж буй “Халифын вант улс” бүлэглэлд элсэж, алан хядагч болсон тухай тус улсын Ерөнхийлөгч Рамзан Кадыров мэдэгджээ. “Энэ сард тус улсын 100 гаруй иргэн хил давж, Сири улсад очсон болохыг илрүүлсэн” хэмээн ОХУ-ын Тагнуулын газраас уламжлав. Гэхдээ иргэдийн мэдээлснээр “100 бус 200 гаруй иргэн гэр, эх орноо орхин хэт даврагч болсон” гэж сэтгүүлчдэд мэдэгджээ.

Кадыров хэт даврагч болсон иргэдээ урвагч хэмээгээд “Хуулийн дагуу шийтгэх болно” гэж хэлжээ.

Чечень иргэд хэт даврагч болж буй гол шалтгааныг мөнгө, шашны үзэл гэх мэтээр тайлбарлаж байна. Тус бүлэглэл хэт даврагч болсон гадаадын иргэдэд алтан зоос өгдөг гэх мэдээллийг Иракийн Засгийн газраас мэдээлсэн. Мөн Чеченийн иргэд исламын шашинтай билээ.

Б.Дэлгэрцэцэг