Оросын “Су 24” онгоцыг сөнөөсөн Туркийн “F 12” сөнөөгч онгоцны нисгэгчид Украины Дээд Радагийн гишүүд хүндэтгэл үзүүлсэн тухай “www.m.inforesist.org” мэдээллээ. Гишүүн Юлий Мамчур болон Алексей Гончаренко нар энэ амралтын өдөр Киев хотноо байрлах Туркийн Элчин сайдын яамны гадна Туркийн төрийн далбаатай улаан таван хошуу байршуулсан байна. Энэхүү ажиллагааны үеэр хоёр улсын төрийн дуулал эгшиглэжээ. Гончаренко “Туркийн нисгэгч бол баатар. Би түүний зориг тэвчээрийг хүндэтгэж байна” гэсэн бол Мамчур “Нисгэгчээ чи өнөөдрөөс эхлэн Украины баатар” гэж мэдэгдсэн байна.

Киев хотноо суугаа ОХУ-ын элчин сайд гишүүдийн үйлдлийг буруутгасан байна. Өнгөрсөн долоо хоногт Оросын онгоц хэт даврагчдад цохилт өгөөд бааз руугаа буцах үед Туркийн сөнөөгч онгоц пуужингаар харваж, устгасан билээ. Туркийн талаас Оросын онгоц хил давсан учир гал нээсэн гэсэн бол ослоор амьд үлдсэн нисгэгч энэхүү мэдээллийг эрс үгүйсгэсэн юм.

Энэхүү асуудлаас болж хоёр улсын удирдлагууд тааруухан харилцаатай болж, өчигдрөөс эхлэн Орос, Туркийн эсрэг эдийн засаг, хүнс, аялал жуулчлалын салбарт хориг тавьжээ.

Б.Дэлгэрцэцэг