Нийслэлийн  “Өргөө” амаржих газар буюу бидний мэддэгээр нэгдүгээр төрөхөд энэ сарын 21-нд эх, хүүхэд эндсэн харамсалтай хэрэг гарсан. Үүнтэй холбогдуулан Монгол Улсын шадар сайд, Эрүүл мэнд, спортын сайдын үүргийг гүйцэтгэгч Ц.Оюунбаатар шийдвэр гаргаж, ажлын хэсэг байгуулсан билээ. Тус ажлын хэсэг Өргөө амаржих газрын тусламж, үйлчилгээний нөхцөл, байдалд үнэлэлт, дүгнэлт хийж, зарим арга хэмжээ авахыг Эрүүл мэндийн газрын дарга Ш.Энхбатад үүрэг болгосон юм. 

Мөн ажлын хэсгийн дүгнэлтийн дагуу Өргөө амаржих газрын удирдлагын багт хариуцлага тооцохыг ч даалгасан. Харин ямар хариуцлага тооцох нь тодорхойгүй байна. Энэ талаар нийслэлийн Эрүүл мэндийн газрын Эх барихын тусламж үйлчилгээ хариуцсан мэргэжилтэн Р.Октябриас тодруулахад "Шүүх эмнэлгийн дүгнэлт гараагүй байна. 14-21 хоногийн хугацаанд гарна. Дүгнэлт гараагүй байхад сургаар хэн нэгэнд хариуцлага тооцохгүй" гэсэн хариултыг өгөв.

В.Бат