Жүдо бөхийн олимпийн эрхийн оноо олгох Токиогийн "Их дуулга" тэмцээн хоёр дахь өдрөө үргэлжилж байна. Өнөөдөр манай дөрвөн жүдоч татамид гарч барилдсан. Тэднээс эмэгтэйчүүдийн 63 кг-д хүч үзсэн олон улсын хэмжээний мастер Цэдэвсүрэнгийн Мөнхзаяа хүрэл медалийн төлөө барилдахаар боллоо.

Энэ жинд олон улсын хэмжээний мастер Ц.Цэрэннадмид хүч үзсэн ч хоёрдугаар тойрогт ялагдаж тэмцээнээ өндөрлүүлсэн. Мөн өнөөдөр эрэгтэйчүүдийн 73 кг- барилдсан гавьяат тамирчин С.Ням-Очир, олон улсын хэмжээний мастер Г.Одбаяр нар тэмцээнээ дуусгаад байна.

Өчигдөр хөнгөн жингийн бөхчүүдээс олон улсын хэмжээний мастер Д.Төмөрхүлэг, Д.Сумъяа нар хүрэл медалийн тавцанд зогссон.

Б.Бэхи