Амжилт, чансаагаараа тэргүүлж буй шилдэг найман туйванч урилгаар оролцдог “Qatar Cup” тэмцээний эмэгтэйчүүдийн +75 кг-ын жинд ОУХМ М.Анхцэцэг өрсөлдөв. Тэрбээр  жиндээ 10 тамирчинтай өрсөлдөж, огцом өргөлтөөр 112 кг-ыг өргөж, IV байр эзэлжээ.

Манай тамирчин тэмцээний 69 кг-д оролцох байсан ч зохион байгуулагчид энэ жингийг цуцалсан учир жин өгсөж өрсөлдсөн байна. 17 настай тамирчин ОУХМ М.Анхцэцэг саяхан АНУ-д болсон хүндийн өргөлтийн насанд хүрэгчдийн ДАШТ-ий 69 кг-ын жинд өрсөлдөн VIII байрт орсон билээ.

Тэрбээр Дохаг залуучуудын шигшээ багийн ахлах дасгалжуулагч Ц.Хосбаярын хамт энэ сарын 6-9-ний өдрүүдэд болох “Qatar Cup”  тэмцээнийг зорьсон юм.

Б.Бэхи