Иракийн хэт даврагч “Халифын вант улс” бүлэглэлд өнгөрсөн оны наймдугаар сард элссэн нь тогтоогдсон Австралийн иргэн 18 настай Абдуллах Эмир буюу “Жихади Жингер” амиа алдсан хэмээн Пентагон мэдээллээ. Арван долоо хоногийн өмнө холбоотон орнууд Сирийн Ракка хотноо агаараас цохилт өгөх үед Эмир амиа алджээ. Түүний эхнэр дээрх мэдээллийг баталсан хэмээн “The Australian” сони мэдээлэв.  

Эмирийн эхнэр Амира Абасе нь хуриманд оролцоно хэмээн сураггүй алга болсон Британи охидын нэг билээ. 17 настай Абасе твиттертээ “АК 47” буу барьсан зургаа нийтлээд “Би нөхрийнхөө өшөөг авах болно” гэж жиргэжээ.

“Өнгөрсөн есдүгээр сард тэд гэрлэсэн” хэмээн хэт даврагчид твиттер хуудсаараа дамжуулан мэдэгдсэн юм.

Б.Дэлгэрцэцэг