Архидан согтуурсан эцэг, хоёр настай хүүдээ хутга тулгаад дарамталж байжээ. Сонгинохайрхан дүүргийн 16 дугаар хорооны нэгэн байрны .. тоотод согтуу хүн хүүхдүүдээ зодоод, хаалгаа онгойлгохгүй байна гэсэн дуудлага цагдаагийн байгууллагад иржээ.

Дуудлагын дагуу очиход тус тоотод оршин суух Б /эр.27н/ нь согтуурсан үедээ өөрийн төрсөн хүү хоёр настай Б-д хутга тулган эсэргүүцэл үзүүлж байсныг таслан зогсоож, хэргийг Сонгинохайрхан дүүрэг дэх цагдаагийн гуравдугаар хэлтэст шалгаж байна.

Цагдаагийн байгууллагын алба хаагчид, нийслэлийн Онцгой байдлын газрын Аврах тусгай ангийн алба хаагчдын хамт очиж, цонхыг нь хагалан гэрт нь орсон байна.

Б.Хүлэг