Америкийн “www.cosmopolitan.com” сайт түүхэнд нэрээ бичиж, гавъяа байгуулсан эрхэмсэг бүсгүйчүүдийн сайхан харагдах нууц болон хоолны дэглэмээс нийтэлжээ.

Мариа Антонетте

Францын хатан хаан Мариа Антонетте үзэсгэлэнтэй харагдахын тулд хатуу хоолны дэглэм барьдаг байжээ. Тэрээр өглөөний цайндаа гурван аяга сүү уудаг байсан бол өдрийн хоолондоо нэг ширхэг өндөгний цагаан, нэг аяга лимонтой жүүс уудаг байжээ. Харин оройн хоолондоо нэг ширхэг өндөгний цагаан болон нэг аяга сүү уудаг байсан гэнэ.

 I Элизабет

Их Британийн хатан хаан I Элизабет долоон хоногт нэг удаа мацаг барьдаг байсан гэнэ. Хатан хаан өглөөний цайндаа нэг аяга сүү, нэг аяга алимны нухаш, тал банана иддэг байжээ. Харин өдрийн хоолондоо цэцэгт байцаа болон нэг ширхэг нарийн боов /хэмжээ нь гарын алга шиг/ иддэг байсан бол оройн хоолондоо вандуйн шөл уудаг байжээ.

Викториа

Британийн хатан Викториа өглөө, өдрийн хоолондоо нугасны мах иддэг байжээ. Тэрээр цаг тутам 1-3 аяга сүү уудаг байсан гэнэ. Хатан оройн хоолондоо луувангийн салат болон үхрийн гол мах зооглодог байв.

II Элизабет

Их Британийн хатан хаан II Элизабет өглөөний хоолондоо нэг аяга лимоны шүүс, будааны зутан иддэг бол өдрийн хоолондоо олон жимсний салат болон шөл уудаг байна. Харин оройн хоолондоо сүү болон өндөгний цагаан иддэг аж. Тэрбээр 1952 оноос хойш энэхүү хоолны дэглэмийг барих болжээ.

Грасе Келли

Монакогийн гүнж Грасе Келли өглөөний хоолондоо гурван ширхэг алим иддэг бол өдрийн хоолондоо нарийн боов болон өндөгний цагаан идэж, сүү уудаг байжээ. Харин оройн хоолондоо нэг ширхэг өндөг, нэг ширхэг лууван иддэг байв.

Диана

Британийн гүнж Диана хатуу дэглэм барихаасаа илүү эрүүл хүнсээр хооллохыг илүүд үздэг байжээ. Тэрбээр өглөө бүр уургаар баялаг банана, гүзээлзгэнэ зэргийг иддэг бол өдрийн хоолондоо үхрийн мах, зутан шөл иддэг байжээ. Харин оройн хоолондоо зөвхөн цэцэгт байцаа иддэг байсан гэнэ.

Кейт Миддлтон

Өнөө цагийн хамгийн үзэсгэлэнтэй гүнж гэгддэг Кейт Миддлтон өглөөний цайндаа нэг ширхэг чанасан өндөг, луувангийн зутан иддэг байна. Тэрбээр өдрийн цайндаа шөл уудаг бол оройн хоолондоо зөвхөн жимс, жимсгэнэ иддэг гэнэ.

Б.Дэлгэрцэцэг