Кенийн хэт даврагч “Аль Шабаб” бүлэглэл Сомалийн хилийн Эль Валк тосгоны ойролцоо христийн шашинтнуудын зорчиж явсан автобусанд халдлага үйлдсэн байна. “Халдлагаар хоёр хүн амиа алдсан” гэж Кенийн “EI” агентлаг мэдээлжээ.

Цагдаагийнхан шуурхай ажилласны үр дүнд бусад зорчигчийг аварч чадсан гэнэ. “Автобусанд христийн шашинтнууд зорчиж явсан гэдгийг цөөн тооны хүмүүс мэдэж байсан. Хэн нэгэн хэт даврагчдад мэдээлэл дамжуулсан байх” хэмээн Цагдаагийн газраас мэдээлсэн байна.

Тус бүлэглэл ихэвчлэн Сомали улсын хилийн ойролцоо халдлага үйлддэг юм. Энэ онд гэхэд 100 гаруй удаа халдлага үйлдэж, олон хүний аминд хүрчээ.

Хэт даврагчид өнгөрсөн дөрөвдүгээр сард Кенийн нийслэл Найроби хотноо байрлах “Garissa University” коллежийг барьцаалж, 148 хүний аминд хүрсэн юм. Тэд оюутнуудаас коран судрын хэсгээс асуугаад мэдэхгүй байвал шууд буудаж байсан хэмээн гэрчүүд мэдээлсэн билээ.

Б.Дэлгэрцэцэг