Эдийн засгийн байнгын хорооны хуралдаанаар Монголбанкны Тэргүүн дэд Ерөнхийлөгч Б.Жавхланг үүрэгт ажлаас нь чөлөөлөх тухай асуудлыг хэлэлцээд  олонхийн  саналаар дэмжив.

Тэрбээр УИХ-ын Сонгуулийн тухай хуулийн 26.6 дахь заалтыг үндэслэн 2016 оны нэгдүгээр сарын 1-ний өдрөөс Монголбанкны Тэргүүн дэд ерөнхийлөгчийн үүрэгт ажлаасаа чөлөөлөгдөх хүсэлтээ Монголбанкны Ерөнхийлөгч Н.Золжаргалтай зөвшилцөж, Эдийн засгийн байнгын хороонд хүргүүлсэн байна.

Тус өргөдлийг байнгын хорооны гишүүд хэлэлцээд үүрэгт ажлаас нь чөлөөлөх асуудлыг дэмжлээ. Монголбанкны Тэргүүн дэд Ерөнхийлөгч  Б.Жавхлан ирэх сонгуульд төрөлх нутаг Сүхбаатар аймгаасаа нэр дэвшихээр зэхэж байгаа аж.

Н.Энх