“Кёкүшү бияа” нэртэй бөхийн сургууль нээгдлээ. Өнөөдөр нээлтээ хийсэн тус сургууль сумогоос гадна жүдо, чөлөөт, үндэсний бөхийн ангитай аж. Кёкүшүзан Д.Батбаярын байгуулсан тус сургууль 7-11 насны хүүхдүүдийг хамруулах бөгөөд шилдэг сурагчдаа Японд үргэлжлүүлэн сургах юм байна.

Нээлтийн үеэр Кёкүшүзан Д.Батбаяр “Энэ сургуульдаа олон сайхан тамирчдыг бэлтгэн олимп, дэлхийн аварга шалгаруулах тэмцээний дэвжээнд гаргах зорилготой. Мөн эр хүн болох зориг хатуужил олгохоос гадна Японы дэг жаяг, хүмүүжлээр хүүхдүүдийг сургаж, бие хүн болон төлөвшихөд нь сайнаар нөлөөлнө гэж үзэж байна” гэв.