Энэ оны төсвийн хууль хэрэгжиж эхэлсэнтэй холбогдуулан Гаалийн ерөнхий газар Татварын ерөнхий газартай, Үндэсний статистикийн хороо Улсын бүртгэлийн ерөнхий газартай нэгдэж байгаа.

Дээрх дөрвөн агентлагийн гурав нь одоогоор даргагүй бөгөөд нэгдсэн багийг удирдах хүнийг Засгийн газраас томилох юм. Засгийн газар өчигдөр, хуралдсан бөгөөд зарим томилгоог хийсэн бололтой.

Тухайлбал, Гаалийн ерөнхий газар болон Татварын ерөнхий газрыг Сангийн дэд сайд асан С.Пүрэв удирдах гэнэ. Түүнийг нэгтгэсэн том агентлагийн дарга болно гэсэн мэдээлэл хэд хоногийн өмнө гарсан юм.

Мөн Үндэсний статистикийн хороо, Улсын бүртгэлийн ерөнхий газрын удирдлагаар хэнийг томилох тухайд цөөнгүй хүний нэр яригдаж байна. Одоогийн байдлаар Улсын бүртгэлийн ерөнхий газрын даргаар ажиллаж буй Ц.Пүрэвдоржийг дээрх хоёр байгууллагын даргаар томилохоор эцэслэн шийдсэн гэх мэдээлэл байна.

Эх сурвалж: “Зууны мэдээ” сонин