Гардан тулааны улсын аварга шалгаруулах тэмцээнд Зэвсэгт хүчний 084 дүгээр ангийн баг тамирчид амжилттай оролцож, улсын аварга болжээ.

Цагдаагийн ерөнхий газраас зохион байгуулсан энэ тэмцээнд найман байгууллагын 100 гаруй тамирчид өрсөлджээ. Тэднээс 60 кг-ын жинд мөн ангийн ахлах ахлагч Х.Бат-Оргил, 65 кг-ын жинд дэд ахлагч У.Золбаяр, 80 кг-ын жинд ахлагч А.Санжсүрэн, 85 кг-ын жинд дэд ахлагч Б.Наадам нар алтан медаль хүртсэн байна. 

Мөн 65 кг-ын жинд ахлах ахлагч Т.Төрбат, 70 кг-ын жинд сургагч ахлагч А.Мөнхбаяр, ахлах ахлагч Ү.Энх-Амгалан нар мөнгөн медаль, 60 кг-ын жинд дэд ахлагч С.Сандайжав хүрэл медаль хүртэж багийн дүнгээр, гаргасан амжилтаараа Зэвсэгт хүчний 084 дүгээр тамирчид тэргүүлж цомын эзэн болжээ. Харин тэмцээний дэд байрыг ЦЕГ-ын Тусгай тасаг эзэлжээ.

Б.Хүлэг