Монголбанкны захиалгаар Үл хөдлөх хөрөнгийн Тэнхлэг зууч компанийн хараат бусаар хийсэн 2015 оны арванхоёрдугаар сарын “Орон сууцны үнийн индекс”-ийн (ОСҮИ) судалгааг олон нийтэд танилцуулж байна.

Тус судалгаагаар ОСҮИ арванхоёрдугаар сард 5.5 хувьтай гарлаа. Энэ нь өмнөх сараас -1.1 хувиар буурсан үзүүлэлт юм. Харин оны эхэн үетэй харьцуулахад  -11.3 хувь, өнгөрсөн оны мөн үетэй буюу 12 сарын өмнөхтэй харьцуулахад -11.3 хувиар буурсан үзүүлэлт аж.

Шинэ орон сууцны үнийн индекс 19.1 хувьтай гарчээ. Энэ нь өмнөх сараас -0.5 хувиар буурсан үзүүлэлт юм. Харин оны эхэн үетэй харьцуулахад -6.1 хувь, өнгөрсөн оны мөн үетэй харьцуулбал -6.1 хувиар буурсан байна.

Хуучин орон сууцны үнийн индекс суурь үе буюу 2013 оны 1 сарын үзүүлэлтээс доошоо орж -1.5 хувьтай гарлаа. Энэ нь өмнөх сараас -1.1 хувиар, оны эхэн үеэс -15.2, өнгөрсөн оны мөн үеэс -15.2 хувиар буурсан үзүүлэлт юм.

Индексийн өөрчлөлт /суурь үе 2013.01-с/               Нэгдсэн           Шинэ о/с         Хуучин о/с

5.5%                19.1%              1.5%

Өмнөх сартай харьцуулахад                                     -1.1%               -0.5%               -1.5%

Оны эхэнтэй харьцуулахад                                        -11.3%             -6.1%               -15.2%

Өмнөх оны мөн үетэй харьцуулахад                                    -11.3%             -6.1%               -15.2%

Орон сууцны үнийн индексийг Хедоник регрессийн аргаар тооцоолж буй бөгөөд энэхүү тооцоололд тухайн сард Улаанбаатар хотод борлуулагдахаар зах зээлд нийлүүлэгдсэн шинэ, хуучин нийт 5153 орон сууцны мэдээллийг хамруулсан байна.

Г.Тэгшсүрэн