Чингэлтэй дүүргийн тавдугаар хорооны нутаг дэвсгэр Гэсэр сүмийн уулзвар дээр өнөөдөр 08.00 цагийн орчимд хүн тээвэрлэж явсан микро автобус осолджээ. /6351 УНН/ улсын дугаартай тус микроавтобусанд ослын үед 7-8 хүн зорчиж явсан байна. Ослын улмаас хүний амь нас эрсдээгүй, гэмтэж бэртсэн хүнгүй тухай осол гарсан дуудлагын дагуу ажиллаж буй цагдаагийн ажилтан хэлэв.

Уг хэргийг цагдаагийн байгууллагад шалгаж эхэлжээ.

Г.Тэгшсүрэн