Хэт даврагч “Халифын вант улс” бүлэглэл өчигдөр Иракийн армийн нисдэг тэргийг буудаж сөнөөсөн талаар “www.dailymail.co.uk” мэдээллээ. Нисдэг тэрэг Багдад хотын хойд хэсэгт нисч байжээ. “Онгоцонд хоёр хүн зорчиж явсан” хэмээн Батлан хамгаалах яамнаа мэдэгджээ.

“Ослоор 24 настай нисгэгч амиа алдаж, 29 настай эрэгтэй амьд үлдсэн” хэмээн яамны хэвлэлийн албанаас мэдээлж, нисгэгчийн гэр бүлд эмгэнэл илэрхийлсэн байна.

Өнгөрөгч амралтын өдөр хэт даврагчид мөн Багдад хот руу нислэг үйлдэж байсан нисдэг тэргийг буудаж, сөнөөсөн билээ. Ослоор цэргийн албан хаагчид амиа алджээ.

Б.Дэлгэрцэцэг