УИХ-ын ээлжит бус чуулганы үдээс хойшхи хуралдаанаар ҮХЦ-ийн гишүүнийг эгүүлэн татах асуудлыг хэлэлцэв.  ҮХЦ-ийн дарга Ж.Амарсанааг хэрэгжилт нь эхлээгүй хуулийн үйлчлэлийг хаасан гэх үндэслэлээр албан тушаалаас нь чөлөөлөх саналыг  гаргасан. Уг асуудлыг намрын чуулганаар  хэлэлцэхэд  УИХ дахь МАН-ын бүлэг завсарлага авсан юм. Ээлжит бус чуулганаар хэлэлцэхэд мөн тус намын бүлэг хуралдаанд оролцсонгүй. Үндсэн хууль зөрчсөн асуудлаар хуралдаанд оролцохгүй гэсэн байр суурийг Д.Лүндээжанцан гишүүн илэрхийж байсан бол Үндсэн хууль зөрчсөн эсэхийг УИХ шийдвэрлэдэг хуулийн заалт байдгийг Х.Тэмүүжин гишүүн тайлбарлаж байгаа.

Ийнхүү ҮХЦ-ийн гишүүнийг эгүүлэн татах асуудлыг ээлжит бус чуулганаар үргэлжлүүлэн хэлэлцээд чөлөөлөв.

Н.Энх