Энэ оны арваннэгдүгээр сард зохион байгуулагдах АНУ-ын Ерөнхийлөгчийн сонгуульд өрсөлдөх нэр дэвшигчдийг урьдчилсан байдлаар сонгох санал хураалт Айова, Өмнөд Каролино, Нью Хэмпшир болон Невада мужид зохион байгуулагдаад байна.

Ардчилсан намаас өрсөлдөж буй Хилари Клинтон урьдчилсан байдлаар Айова, Невада  мужид ялалт байгуулаад байна. Харин Бүгд найрамдах намаас өрсөлдөж буй тэрбумтан Дональд Трамп Айова мужид ялагдаж, Өмнөд Каролина мужид ялалт байгуулсан билээ.

Бүгд найрамдахчууд өчигдөр Невада болон Нью Хэмпшир мужид санал хураалт зохион байгуулжээ. Хоёр мужид зэрэг явагдсан санал асуулгад Трамп илт давуугаар ялалт байгуулсан талаар “www.dailymail.co.uk” мэдээллээ.  Трамп 45 дээш хувийн санал авчээ. Тэрбумтан эрийн нам доторх гол өрсөлдөгч Техас мужийн сенатор Тед Круз Невада мужид 17 хувь, Нью Хэмпшир мужид 22 хувийн санал авсан байна.

Б.Дэлгэрцэцэг