Хятадын тэрс үзэлтэн гэгддэг уран бүтээлч Ай Вэйвэй өчигдөр Турк болон Грекийн хил орчимд амьдарч буй дүрвэгсэдтэй уулзсан талаар “www.dailymail.co.uk” мэдээллээ. Тэрбээр дүрвэгсэдтэй уулзсаныхаа дараа Европын холбооын удирдлагуудыг буруутгаж, “Хүн араатнууд” гэж тодорхойлжээ.

Вэйвэй инстаграмдаа “Дэлхийд баян, ядуу болон дүрвэгсэд гэх гурван төрлийн хүмүүс орших болжээ” гэж бичсэн байна. Тэрбээр удахгүй дүрвэгсдийн талаар үзэсгэлэнгээ гаргахаар төлөвлөж буй бөгөөд энэхүү үзэсгэлэнгийнхээ үеэр дүрвэгсдийг аварч чадаагүй аврах хантаазуудыг дэлгэх гэнэ.

Өнгөрсөн онд аврах хантааз өмссөн 200 гаруй дүрвэгчийн цогцсыг Газар дундын тэнгисээс гарган авсан билээ. Вэйвэй “Аврах хантааз хүний амийг аврахаа больжээ. Аврах хантааз эвсэл Европын удирдлагууд шиг иргэдийг ялгаж байна уу“ гэсэн байна.

Б.Дэлгэрцэцэг