Египетийн Хууль зүйн сайд Ахмед аль Зинд шууд ярилцлагын үеэр зөнч Мухаммедийн талаар яриад ажилгүй болсон талаар “www.freethinker.co.uk” мэдээллээ. Тэрбээр нэгдүгээр сувагт ярилцлага өгснийхөө дараа сайдынхаа албаас чөлөөлөгдсөн байна.

Сэтгүүлч түүнээс “Хэвлэлийн эрх чөлөө боомилогдож байна. Та сэтгүүлчдийг хорих уу” хэмээн асуужээ. Уг асуултад сайд “Алдаа гаргасан бол бүгд шийтгэлээ авна. Зөнч Мухаммед байсан ч ялгаагүй хорино. Бүх хүн хуулийн өмнө эрх тэгш” хэмээн хариулсан байна.

Энэхүү ярилцлагын дараа жиргээчид сайдаа огцрохыг шаарджээ. Сайд жиргээчдэд хандан “Би алдаа гаргажээ. Санамсаргүйгээр зөнчийн тухай дурссан” хэмээн мэдэгдэж, уучлалт гуйсан байна. Сайдыг ямар шалтгаанаар огцруулж буйг дурьдаагүй ч “Ажлын хариуцлага алдсан” хэмээн Засгийн газрын хэвлэлийн албанаас уламжилжээ.

 Б.Дэлгэрцэцэг