Белгийн нийслэл Брюссель хотноо өчигдөр 21.00 цагийн орчимд “АК 47” буугаар зэвсэглэсэн хоёр этгээд халдлага үйлдэж, дөрвөн цагдааг гэмтээсэн талаар “www.dailymail.co.uk” мэдээллээ. Гэмт этгээдүүд хотын төвд байрлах цагдаагийн байр руу халдсан хэмээн прокурор мэдэгдэв.

Прокурор  “Халдлага үйлдсэн этгээдүүдийг цагдаагийнхан орон сууцны барилгын өмнө аюулгүй болгосон. Тэднийг аль улсын иргэн, зэвсэгт бүлэглэлтэй холбоотой эсэхийг тодруулахаар ажиллаж байна” гэж хэлжээ.

Гэрчүүдийн мэдээлснээр “Цагдаа нарт халдсан этгээдүүд Ойрхи дорнодоос гаралтай жихадууд” гэсэн байна.

Парисын халдлагын дараа Брюссель хотын хамгаалалтыг нэмэгдүүлсэн юм. Өнөөдрийг хүртэл тусгай цэргүүд нийслэлийг хамгаалж байна.

Б.Дэлгэрцэцэг