Л.Цог эвслийн бүлгээс гарах нь хачирхах асуудал биш

УИХ-ын гишүүн Л.Цог, Г.Уянга нар бүлгээсээ гарч буйгаа өнөөдөр мэдэгдэв. Тэд УИХ дахь МАХН-МҮАН-ын Шударга ёс эвслийн бүлгээс гарч байгаа тухайгаа тус бүлгийн дарга Н.Батцэрэгт албан бичгээр хүргүүлсэн байна.
Энэ асуудалд ямар байр суурьтай байгааг МАХН-ын Ерөнхий нарийн бичгийн дарга Ж.Сүхбаатараас тодрууллаа.
-УИХ-ын гишүүн Л.Цог эвслийн бүлгээс гарч буйгаа саяхан мэдэгдлээ. Энэ тухайгаа намдаа албан ёсоор мэдэгдсэн үү?
-Миний хувьд дөнгөж сая дууллаа. Ер нь бол энэ сонин асуудал биш. Сүүлийн саруудад хийж байгаа мэдэгдэл, үйлдлээс нь төлөвлөж, зохион байгуулалттайгаар эвслийн бүлгээс гарах нь ойлгомжтой харагдаж байсан. Илэрхийлж байгаа байр суурь, хийсэн үйлдэл нэлээн эртнээс бэлдсэн, тодорхой бүлэглэлүүдийн үйл ажиллагаатай уялдуулсан нь тодорхой байсан. Сонгууль дөхсөн үед ийм асуудал гаргаж тавьж байгаа нь бидний хувьд хачирхаад байх зүйл биш. Эвслийн бүлгээс албан ёсоор гарсан эсэхийг одоогоор мэдээгүй байна.
В.Бат
СЭТГЭГДЭЛ БИЧИХ