үүхийн ерөнхий зөвлөлөөс сар бүр уламжлал болгон зохион байгуулдаг "Нээлттэй шүүх” хэвлэлийн бага хурал өнөөдөр боллоо. Хэвлэлийн бага хуралд Шүүхийн ерөнхий зөвлөлийн дарга Н.Лүндэндорж, Шүүхийн ерөнхий зөвлөлийн гишүүн, МУ-ын Гавьяат хуульч Б.Сарантуяа, Шүүхийн ерөнхий зөвлөлийн гишүүн Д.Эрдэнэчулуун, Д.Дамдин-Од, Ж.Эрдэнэчимэг нар оролцлоо. 

Энэ удаагийн хэвлэлийн бага хурлаар "Шүүхийн шинэтгэл орон нутагт” сэдвийн хүрээнд мэдээлэл хийв.

Шүүхийн ерөнхий зөвлөлийн дарга Н.Лүндэндорж баруун бүсийн найман аймгийн шүүхүүдэд ажиллаж, шүүгч ажилтнуудтай төдийгүй иргэдтэй уулзалт хийжээ. Уулзалтаар иргэд шүүхийн шинэтгэлд сэтгэл хангалуун байна гэдгийг тэрбээр онцолж байв.

Шүүхийн ерөнхий зөвлөлийн дарга, гишүүд 21 аймаг, Улаанбаатар хот дахь зарим шүүхүүдэд ажилласан дүнгээс харвал Монгол орон даяар өрнөсөн "Шүүхийн шинэтгэл” гэх том өөрчлөлт ард түмэнд хүрч үр дүнгээ өгч чаджээ гэсэн дүгнэлтийг тус зөвлөлийн дарга Н.Лүндэндорж хийлээ.