Канадын парламентын гишүүн Жеан Лапиеррегийн зорчиж явсан нисдэг тэрэг осолдсон талаар “www.nationalpost.com” мэдээллээ. Уг онгоцонд гишүүнээс гадна түүний эхнэр, хоёр хүү, төрсөн ах, эгч болон онгоцны ахмад зорчиж явжээ. Ослоор бүх зорчигч амиа алдсан байна.

Онгоц Куебес хотын оршуулгын газар очихоор төлөвлөж байжээ. Учир нь хэд хоногийн өмнө гишүүний аав таалал төгсчээ. Сүйрлийн шалтгааныг урьдчилсан байдлаар цаг агаарын таагүй байдалтай холбон тайлбарлаж байна. Аврагчид ослын газар ирсэн бөгөөд хар хайрцагны бичлэгийг тайлж эхэлжээ.

Онгоц өчигдөр орон нутгийн цагаар 11.40 цагт осолдсон аж. Энэхүү ослын мэдээллийн дараа тус улсын Ерөнхий сайд Жастин Трудо твиттер хуудсаараа дамжуулан эмгэнэл илэрхийлжээ. Тэрбээр “Үнэхээр харамсалтай зүйл боллоо” гэж жиргэсэн байна.

Б.Дэлгэрцэцэг