Барууны хэвлэлүүд ОХУ-ын Ерөнхийлөгч В.Путинг “News Corporation” группийн эзэн Руберт Мердокийн салсан эхнэр Венди Денгтэй болзож байна хэмээн мэдээллэх болсон. Америкийн “US weekly” сэтгүүл Путиний хувийн онгоцон дээр байгаа Вендигийн зургийг интернэт байршуулсан юм.

Болзооны асуудлаар сэтгүүлчид Кремлийн хэвлэлийн төлөөлөгч Дмитрий Песковоос асуусан байна. Песков “Энэ бол худлаа мэдээлэл. Ерөнхийлөгч хувийн амьдралынхаа талаар хэнд ч ярьдаггүй. Та бүхэн улсын өндөр албан тушаал хашдаг хүмүүсийн хувийн амьдралыг хүндэтгэх ёстой” гэж хариулсан байна.

Путин өнгөрсөн 2014 онд эхнэрээсээ, Венди 2013 онд нөхрөөсөө салсан билээ.

Б.Дэлгэрцэцэг