“Монголоо аврах хөдөлгөөн”-ийнхөн жагслаа

Хуульч Б.Ганхуягийн санаачлан байгуулсан “Монголоо аврах хөдөлгөөн”-ийнхөн өнөөдөр Эрх чөлөөний талбайд тайван жагсаал хийв.
Тус хөдөлгөөнийг байгуулагчид мэдээлэл хийж, Ерөнхийлөгч, Ерөнхий сайд, Засгийн газарт гурван асуулт хүргүүлсэн юм.
- Өнөөдөр нэг Монгол хүнд хэдэн төгрөгийн өр ногдож байгаа вэ?
- Монголчууд нийтээрээ хэзээ ажилтай болж, ядуурлаас гарах вэ?
- Монголчууд хэзээ Монголдоо хүн шиг сайхан амьдрах вэ? гэсэн гурван асуултыг төр, засгийн тэргүүнүүдэд хүргүүлсэн бөгөөд хариултыг нь дөрөвдүгээр сарын 4 буюу энэ өдөр авахаар товлоод байсан юм. Энэ дагуу асуултынхаа хариуг нэхэж, өнөөдөр жагсаал хийлээ.
Жагсаалын үеэр Монголоо аврах санал асуулгыг явуулав. Санал асуулгад оролцож байгаа иргэдийн хариултаас дүгнэхэд иргэд олон нийт хамгийн ихээр ӨР-ийн асуудалд санаа зовниж байна.
Иргэн та:
1. Төв шуудан
2. Хэлмэгдэгсэдийн талбай
3. Ялалтын талбай
4. 1000-н нэрийн барааны дэлгүүр
5. Хар хорин зах
6. Хүчит шонхор зах
7. Да хүрээ зах
8. Нарантуул зах зэрэг газруудад байрлаж байгаа “Монголоо аврах хөдөлгөөн”-ий санал асуултад оролцон саналаа өгч болох аж.
СЭТГЭГДЭЛ БИЧИХ