Хүүхдийг 7 настай сургуульд хамруулж болох уу

УИХ-ын чуулганы нэгдсэн хуралдаанаар Боловсролын тухай, Дээд боловсролын тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийлээ. Хэлэлцүүлгийн шатанд 6 настны тухай асуудал маргаан дэгдээсэн юм. Боловсролын тухай хуульд нэмэлт өөрчлөлт оруулахдаа “Зайлшгүй нөхцөл байдлын улмаас сургуулийн захиралтай нь ярьж хүүхдийн хичээл сургуулийг зохицуулах” тухай саналыг А.Бакей нарын гишүүн гаргасан. Малчны хүүхдүүд 6 настайдаа сургуульд орох нь аав, ээжээсээ тусдаа, дотуур байранд бие даахад хүндрэл учирдаг гэж гишүүд үзжээ. Тиймээс зарим тохиолдолд хүүхдийг 7 настайд нь сургууль сургаж байх зохицуулалтыг хуульд тусгасан байна. Харин энэ саналд гишүүн Ж.Батсуурь эсрэг байр суурьтай байсан юм. Тэрбээр “Эцэг, эх нь хүүхдээ 6-7 нас өвөртөлж унтдаг ойлголт байхгүй. Хүүхдийн эрх ашиг гэж байна уу гэхээс эцэг эхийн эрх ашиг гэж байхгүй. Хүүхдийг 7 настай сургуульд оруулж, үеийнхнээс нь өвгөрүүлж болохгүй хэмээн бухимдаж байлаа.
Дээрх асуудлыг маргааш үргэлжлүүлэх хэлэлцэхээр болж, өнөөдрийн чуулганы хуралдааныг өндөрлүүлэв.
Н.Энх
СЭТГЭГДЭЛ БИЧИХ