Х.Баттулгыг дэмжихээр баянхонгорчууд иржээ

Баянхонгор аймгийн иргэдийн төлөөлөл УИХ-ын гишүүн Х.Баттулгатай уулзахаар хотод ирсэн гэнэ. Тэд Төрийн ордонд гишүүнтэй уулзаж байгаа аж. Үүнтэй холбогдуулан ордны зарим хэсгийн хөдөлгөөнийг хязгаарласан байна.
Өнгөрсөн даваа гаригт УИХ-ын гишүүн Х.Баттулгын "Женко" группын охин компани болох "Түмэн хишигтэн", "Баялгийн хувь" ХХК-ийн санхүүгийн баримт бичиг хууль хяналтынхан нэгжлэг, шалгалт хийсэн. Энэ үеэр Баянгол зочид буудлын гадаа цугласан хүмүүсийн зарим нь Х.Баттулгыг дэмжихээр ирснээ хэлж, "Баянхонгорчууд түүний ард бат найдвартай зогсоно. Баянхонгороос цөөнгүй хүмүүс ирнэ" хэмээн ярьж байсан юм.
В.Бат
СЭТГЭГДЭЛ БИЧИХ