Хойд Солонгос ойрын үед Америк руу пуужин харваж магадгүй хэмээн “www.fox8.com” мэдээллээ. “Тус улс Номхон Далайн эрэг хүрэх чадалтай алсын тусгалтай “KN-08” эсвэл “KN-14” загварын баллистик пуужин хөөргөхөөр зэхэж байгаа” хэмээн АНУ-ын Тагнуулын газрын ажилтан мэдэгджээ. “Энэхүү мэдээлэл баттай эсэхийг тагнуулчид тогтоох болно” хэмээн тэрбээр мэдэгдсэн байна. 

Зарим эх сурвалж “Хойдууд дээрх пуужингуудаас гадна Аляскийн хойг хүрэх боломжтой “Мусудан” гэх пуужинг туршиж магадгүй” гэжээ. Пентагоны хэвлэлийн төлөөлөгч Петр Күк “Хэрвээ Хойд Солонгос олон улсын шаардлагыг үл тоон алсын тусгалтай пуужин турших, уг пуужин Америкийн аюулгүй байдалд заналхийлсэн тохиолдолд бид хариу арга хэмжээ авахаа албан ёсоор мэдэгдэж байна” гэж мэдэгджээ.

Хойдууд энэ сарын эхээр Америкийн эрэг хүрэх чадалтай алсын тусгалтай баллистик пуужин туршсан юм.  Энэхүү туршилтыг удирдагч Ким Чен Ун удирдан явуулсан билээ.

Б.Дэлгэрцэцэг