Британийн угсаа залгамжлах ханхүү Уилъям гэргий Кейт Миддлтоны хамтаар Азийн орнуудаар төрийн айлчлал хийж байна. Тэд өчигдөр Бутан улсад хүрэлцэн ирсэн юм.  Ханхүү, гүнж нар Бутанд ирэхээсээ өмнө дөрвөн хоногийн хугацаатай Энэтхэг улсад айлчилсан билээ.

Уг айлчлалын эхэнд Энэтхэгийн Ерөнхий сайд Нарендра Моди ханхүү, гүнжийг нисэх буудлаас тосон авч, өргөөндөө авчирсан юм.

Моди, ханхүү нар сэтгүүлчдэд зориулан хэвлэлийн хурал хийснийхээ дараа гар гараасаа барилцан зураг даруулжээ. Харин энэ үеэр Моди хэтрүүлж, ханхүүгийн гараас хэтэрхий чанга атгасан байна. Модигийн чанга атгалтаас болж ханхүүгийн гар өвдсөн аястай зураг өчигдөр интернэтээр тархсан талаар “www.dailymail.co.uk” мэдээллээ.

Британийн болжморууд “Моди, ханхүүг хараад барьц алджээ”, “Моди хэтрүүлжээ” гэх мэтээр сэтгэгдлээ үлдээсэн байна.

Б.Дэлгэрцэцэг