Саяхан УИХ-ын гишүүн Л.Болд, Ц.Оюунгэрэл нар Төв аймгийн хорих ангид хоригдож байгаа Б.Булгантай уулзаж, орчин нөхцөлтэй нь танилцсан. Энэ тухайгаа УИХ-ын гишүүн Ц.Оюунгэрэл хэвлэлд ярилцлага өгч, “Б.Булган эмч хүн тулдаа залхаан цээрлүүлэлтийг давж байх шиг санагдсан” гэсэн байв.

Мөн Б.Булганы ар гэрээс хуулийн дагуу уулзуулахгүй байгаа болоод хоригдож байгаа орчин нөхцөлийн талаар гомдол цөөнгүй ирсэн. Бас өмгөөлөгч нь Б.Булганы биеийн байдал маш хүнд, гурав дахь шатлалын эмнэлэгт үзүүлж, оношлогоо хийлгэх шаардлагатай талаар прокурорт өргөдөл гаргасан байна.

Энэ бүх байдлыг харгалзан үзэж, Улсын ерөнхий прокурорын газраас Б.Булганыг өчигдөр цагдан хорих 461 дүгээр ангид шилжүүлжээ.

В.Бат