Ногоон нам тамгаа Г.Уянгад хадгалууллаа

УИХ-ын гишүүн Г.Уянгын удирддаг Тусгаар Тогтнол Эв Нэгдлийн Намтай хамтарч, "Нэгдмэл Монгол" эвслийг байгуулсан Монголын Ногоон Нам "үерхэл"-дээ үнэнч байх баталгаа гаргажээ. Ногоон намынхан хамтрагчдаа үнэнч байхаа илэрхийлж, намын тамгаа Г.Уянга гишүүнд хадгалуулжээ. Тус тамга зургаадугаар сарын 29-нд болох сонгуулийг дуустал Г.Уянга гишүүний сейфэнд хадгалагдах гэнэ.
Тусгаар тогтнол эв нэгдлийн нам, Монголын ногоон намын хамтарсан "Нэгдмэл Монгол" эвсэл "Ард түмний итгэл найдвар-Цэвэр төр" гэсэн чиглэлтэй мөрийн хөтөлбөр боловсруулж, 2016 оны УИХ болон орон нутгийн сонгуульд оролцохоор зэхэж байна.
В.Бат
СЭТГЭГДЭЛ БИЧИХ