Төрийн алба бэлгийн алчуур уу?

Төмөр замын төслийг хэрэгжүүлэхдээ их хэмжээний мөнгө бусадтай хамтарч “идсэн” байж болзошгүй хэмээн Эрүүгийн цагдаагийн газрын Эдийн засгийн гэмт хэрэгтэй тэмцэх хэлтэст шалгуулж байгаа Б.Батзаяаг Х.Баттулгын хувийн бие хамгаалагч байсан гэдгийг улс төрийн хүрээнийхэн андахгүй. Бүдүүн борог энэ залуугаар биеэ хамгаалуулсныхаа шанд Х.Баттулга “МТЗ” гэдэг байгууллагыг цоо шинээр байгуулж, даргын суудлыг нь бэлэглэж байв. Асар их санхүүжилтээр босох “Шинэ төмөр зам” төслийг хэрэгжүүлэх эрхийг нь “МТЗ” авсан бөгөөд Х.Баттулгын хувьд мэргэжлийн, мэргэшсэн чадварлаг боловсон хүчинг томилохоос илүү энэ албан тушаалыг хувийн бие хамгаалагчдаа “бэлэглэсэн” нь ч учиртай бололтой. Ямар ч байсан төмөр замын чиглэлээр ямар ч боловсрол мэдлэггүй бие хамгаалагчаа дарга болгож байгаа улстөрчид байсаар байвал Монгол Улс яаж хөгжих вэ. Мэдлэггүй, мэдээлэлгүй хүнийг асар том төслийг хариуцуулахаар тавьсны цаана амин эрх ашиг байсан уу гэдгийг нь хууль, хяналтынхан хараандаа аваад байгаа. Юутай ч, төрийн алба хэн нэгэн сайдын хувийн эрх ашгийг хангах хэрэгсэл, мөн бэлгийн алчуур төдийхөн хувираад байгаа нөхцөлд Монгол Улс хөгжих нь юу л бол доо.
Б.БИЛГЭЭ
СЭТГЭГДЭЛ БИЧИХ