“Ирвэс хамгаалах сан”-гийн ажилтан Т.Лхагвасүмбэрэл өнгөрсөн онд учир битүүлгээр амиа алдсан. Үүнтэй холбогдуулан “Гачуурт” ХХК-ийн босс Л.Чинбат олон нийтийн сүлжээгээр дамжуулан “Ирвэс хамгаалагч залуугийн хэргийг илрүүлэхэд хэрэгтэй мэдээлэл ирүүлсэн хүнийг хувиасаа 10 сая төгрөгөөр шагнаж урамшуулна” хэмээн мэдэгдсэн билээ. 

Тэгвэл Л.Чинбат Цензургүй багийн хийсэн "Биологч Лхагвасүмбэрэл агсны амь үрэгдсэн нууцын мөрөөр " нэвтрүүлгийг 5 сая төгрөгөөр шагнаж, урамшуулжээ. Тэрбээр Тост Тосон бумбын нурууг улсын хамгаалалтад авсан нь эхний үр дүн хэмээн үзэж, талийгаач залуугийн амь үрэгдсэн нууцын сэдвийг орхихгүй байхыг Цензургүй багаас хүсчээ.

Харин үлдсэн таван сая төгрөгийг Т.Лхагвасүмбэрэл агсны нэрээр байгуулсан санд хандивласан байна.

В.Бат